“Платформ сэтгэлгээ” сэдэвт семинар амжилттай болж өнгөрлөө



2016 - 12 - 12

2016 оны 12-р сарын 08-ны өдөр “Платформ сэтгэлгээ” сэдэвт нээлттэй семинарыг БУХС, БАТС, ТДИ төвтэй хамтран амжилттай зохион байгуулав. Семинарт ШУТИС-ийн Эрдэм шинжилгээ, инноваци эрхэлсэн Проректор, Ч.Баасандаш, БСШУСЯ-ны Инноваци, өндөр технологийн хэлтсийн Дарга Док. Д.Одгэрэл, Нагаокагийн технологийн их сургуулийн Проф. Т.Накаяма, Проф. Я.Обиканэ, ШУТИС-ийн Нээлттэй Инновацийн Лаб (OIL)-ыг төлөөлж Ц.Буянцогтоо, БУХС-ийн Технологийн менежментийн салбарын эрхлэгч Проф. Л.Оюунцэцэг, Монголын технополисийн ассоциацийн Гүйцэтгэх захирал Ж.Хишигсайхан нар “Платформ сэтгэлгээ болон гуравдагч үеийн инновацийн орчин, түүний удирдага менжемент”-ийн асуудлаар илтгэл хэлэлцүүлэв. 

Мөн тус семинарын үеэр Бизнесийн ахисан түвшний сургуулийн дэргэд “CGP(Commercialization Gate Platform) 1.0 хувилбарт суурилсан Технологийн бизнес хөгжлийн лаборатори”-ийн туршилтийн үйл ажиллагааг эхлүүлэн Японы Нагаока Технологийн Их Сургуулийн “Gigaku Technopark”, Солонгосын “Global innovation network of KAIST”, “Global commercialization center of KAIST”, Голландын CBI байгууллага-ШУТИС-ийн хамтарсан “Hometextile” төсөл, Японд суралцагчдын “Angir.mn” зэрэг олон улсын хамтын ажиллагааны саналуудыг нэн тэргүүнд  идэвхжүүлэн ажиллах боломжийг хэлэлцэв.

Тус лаборатори нь уламжлалт бизнес консалтинг, ментор зөвөлгөө өгч бүтээгдэхүүн, үйлчилгээ хөгжүүлэлтийг дэмжихээс гадна виртуал хэлбэрээр Коммерчлах гарц-платформ болох “CGP буюу Commercialization Gate Platform”  нэртэй хамтын ажиллагааны талбар (Хэрэглэгчийн бүртгэл, хэлэлцүүлэг, нэгдсэн хуанли, онлайн хурал, аудио болон видео дуудлага, шуурхай зурвас, групп чат, файл хуваалцах, дэлгэц хуваалцах, видео дамжуулах гэх мэт)-үүдээр тоноглогдсон вэб хөгжүүлэлтийн зөөлөн дэд бүтэцэд суурилан ажиллах юм. Энэ нь оролцогч талуудын хамтын ажиллагааг идэвхтэй “интерактив” орчинд өрнүүлснээр шинэ “үнэ цэн”-ийг бий болгох нийгмийн инновацийн нэг хэлбэр юм. Энэ платформ нь хамтын ажиллагаанд дэмжлэг үзүүлэн, хугацаа-зардал хэмнэж (a) хамтарсан судалгаа хөгжүүлэлт, (б) технологи дамжуулалт (в) шинэ бүтээгдэхүүний арилжааг дэмжихэд чиглэгдэж байгаа болно.

Өмнө нь олон улсын хүрээнд:

2014 онд Солонгосын Даежеон хотод болсон Дэлхийн Инновацын 9 дэх Чуулга уулзалт “Инновац 4,0: Инновацын парадигмыг Бүтээлч эдийн засаг руу шилжүүлэх нь” сэдвийн дор бүс нутгийн болон улс үндэстний тогтвортой хөгжлийг шинжлэх ухаан, технологид суурилсан инновацтай уялдуулах талаар хэлэлцсэн. Чуулганы дугуй ширээний уулзалтын үеэр чуулга уулзалтын албан ёсны мэдэгдлийг хийж, “бүх оролцогчид дэлхийн хэмжээнд инновацын эко-системийг бий болох тал дээр харилцан хамтран ажиллах”-аа илэрхийлсэн.

Энэ үеэр Дэлхийн Технополисын Ассоцаци (ДТА) болон Чунгнамын Үндэсний Их сургууль хамтран Их дээд сургуулийн захирлуудын 8-р чуулга уулзалтыг ““Их сургуулийн мэргэшил бол бүс нутгийн стратегийн аж үйлдвэрүүдийн хөгжил” гэсэн сэдвээр зохион байгууллаа.

Их, дээд сургуулийн Захирлуудын Чуулга уулзалт нь их технополисын хүрээнд үйл ажиллагаа явуулж байгаа их сургуулиудын хамтын ажиллагааны сүлжээг дэмжиж, технологийн мэдээлэл болон өндөр чадвартай хүний  солилцоог эрчимжүүлэх замаар их, дээд сургуулиудыг технополисын хөгжилд нэн чухал хувь нэмэр оруулах боломж олгодог юм.

Их Сургуулиудын Захирлуудын Чуулга уулзалтан дээр ШУТИС-ийн Ректор Б.Очирбат “ШУТИС-2021, хэтийн төлөвлөгөө: Монгол улсын Шинжлэх Ухаан Технологийн Их Сургуулийн Стратегийн Хөгжлийн Төлөвлөгөө” сэдвээр илтгэл тавив.

ДТА-ны 11 дэхь удаагийн Дэвшилтэт Технологийн Үзэсгэлэг худалдааг “Бүс Гутгийн стратеги үйлдвэрлэл Бүтээлч эдийн засгийн үндэс болох нь” сэдвээр зохион байгуулагдлаа. Энэ үеэр 85 дэвшилтэт технологи бүхий аж ахуйн нэгж, жижиг дунд үйлдвэрүүдийн хооронд технологийн үзэсгэлэн, технологийн сэдвээрх илтгэл, 1:1 бизнес уулзалт болон бусад арга хэмжээнүүдийг явуулсан бөгөөд энэ нь дэлхийн өнцөг булан бүрээс ирсэн бизнесийн төлөөлөгчдийн хувьд нэн үр ашигтай туршлага болсон юм. Энэ жилийн үзэсгэлэн худалдааны үеэр нийт 162 сая ам.долларын өртөгтэй экспортын 6 санамж бичиг үйлдэж 412 экспортын зөвлөгөөг өгсөн юм.

Сэтгэгдэл